越野單車小子

Bryan 上次玩得好開心，我都心癢癢想玩，

於是搵咗日再挑戰BMXPARK，

可能閒日關係，竟然一個人都冇，

直到後來至嚟咗一個台灣家庭，

即係我兩父子幾乎包晒成個場…..

爽呀~~ 正想今次拍段MOVIE留念，

可以慢慢玩 lu

暑假玩玩玩- 又係迪士尼樂園

話說幾個細路去完 MEGABOX PLAYHOUSE 玩就通通過咗一個姨丈屋企過夜，

然後翌日一齊去迪士尼。

當日朝落大雨，大家仲諗緊取消，

最後為免掃班細路雅興，就決定照去，如果天氣太差，或者中途改去溜冰...

我同老婆樂園搵佢哋時，佢哋已經玩咗迷離大宅同灰熊山谷，

佢哋明顯唔知幾乎冇得嚟玩

Bryan 一見我嚟到，又想捉我陪佢哋玩 U型遙控車，

查實我對離心力強o既game 都有少少怯，無奈得我一個夠薑陪佢哋玩，

唯有捨命陪君子

反而最細兩個最勇，說服埋大果兩個玩..... 要留影一張紀念下


最細o既十五妹最可憐，乾睇阿哥同表姐表哥玩



甘小文畫風我幾鍾意，hehe



正式搞搞震冇幫趁...






森林河流之旅，意外唔使點排



卒之衝到散場至走....好累呀~~~

暑假玩玩玩 - MEGABOX PLAY HOUSE

上周二，原本請假同新相識朋友去影相，

可惜天不造美，唯有將約會延期。

Bryan 當日約咗一班老表去沙田睇怪獸大學，

反正請咗假，就送 Bryan 出沙田睇戲，

我周圍閑逛等到散場，提議一班細路去 Megabox Play House 玩，

佢哋當然舉腳贊成啦，

結果一個原本與補習o既表哥都要做逃學威龍

 


可能去過澳門童夢天地 & Q立方，硬係覺得呢個場地唔夠大....

但係班馬騮依然興高采烈。





Megabox 做緊 小熊維尼主題，又可以影吓





喺佢哋玩耍期間，同班朋友 whatsapp 講開睇英超...

傾傾吓大家決定屈服，乖乖同 NOW 簽約，

個sales 竟然話即由公司去 Megabox 搵我簽約，

其實計計吓呢個兩年約總數都幾甘，希望阿仙奴生生性性踢啲好波比我睇啦

貝澳夏水禮

 暑期玩樂第一擊，就係去貝澳游水喇~


姨仔一家提早去霸個靚位，有大樹遮蔭，唔錯唔錯....

留意 Bryan 隻腳貼晒藥水膠布，係佢落樓踩單車炒到o既，

最後結果係貼咗等於冇貼，落水唔夠一分鐘就比浪沖走咗


姨丈仲同三個反斗星租咗水泡，可以落水玩lu


Bryan 未熟習游水，加上浪大，被我命令只可以穿起水泡水


浪疊浪，其實好好玩，我都想玩埋一份



幾個反斗星玩到唔肯上岸，迫佢哋上去抖下飲啖水，冇耐又要沖番落海玩...




到下晝三點上下，開始退潮，好多人趕去岸邊挖蜆，

姨仔兩公婆收穫唔錯，估計都挖到有二三十隻



反斗星唔捨得都要走，下次再嚟過啦~~

Yeah~~ Bryan 當選模範生

結業禮當日，Bryan 放學後好開心講咗個好消息我知：佢當選咗做模範生

我聽到後都感到愕然....

雖然大概一個月前知道 Bryan 比老師選為班中二人中的一人，競逐模範生，

而且據講要煞有介事錄影一段短片，當為宣傳片為自己拉票。

當時我同媽咪已經好開心，當佢贏咗一樣，

我同媽咪仲同 Bryan 講應該輸梗，不過當為經驗都好寶貴，

而家僥倖當選，真係喜出望外，而且，嘩，仲有五百元書券... 


另外全班考第三都有獎狀，兼有一間歷史悠久o既書局禮券.... 係$20 大元

希望 Bryan 出年繼續努力，學業進步啦~~

以下照片摘自校網
全班考第三，一級有六班


校長個樣熟口熟面? 因為成日接受訪問講雙非學童問題 XD

共有四位同學當選一年級模範生

狂野 BMX 【下卷】

然後升呢去大場~~


我見到一個好陡斜o既斜坡高台，但係已經比一班人用作訓練，

所以一眾小勇士冇得勇氣大挑戰....


阿sir 話為安全計，要每三人一組，佢就喺側邊傍實


由於有一段路封咗比人用嚟訓練，

大場淨番落嚟玩o既地方，我覺得難度只係比細場高少少，

但係教練堅持要每三人一組, 等佢返傍完一圈返到嚟，另一組至可以出發...

一班小勇士當然覺得難耐，最慘輪流玩完三兩個圈就夠鐘

有幾個精力充沛o既 BMX 小勇士想玩多陣，

於是又去番細場繼續片車~












除頭盔，成個頭濕晒...


下次我想自己玩之餘，都想拍番條 Bryan 飛車o既片