虎仔畢業了

同虎仔結緣於阿仙奴球迷會，
當時仲係讀緊高中佢，
轉眼間已經大學畢業。
話唔埋斬下眼佢唔小心搞出人命，
又要幫佢影埋婚紗相了.....


虎，祝你前途似錦

巡視業務 の 勇闖黑色世界

我大佬禮拜四突然 call 我問準備幾時入迪士尼，
我話咪聽日囉。

我大佬話咁就啱嘞
原來佢想用埋 我哋一家全年證 quota，
以優惠價請我侄女 & 姨甥仔入迪士尼玩。
Hoyin 知道呢個消息更加 happy 啦，
佢好鍾意同家姐玩。
開心到彈起


同家姐表哥影張合照先~




入場即派立眼眼鏡，再憑全年證拎埋個 mouse pad





今次黑色世界主題又有 8 款貼紙儲，而家先有 4 款，
經家姐臨時組成及由佢帶領瘋狂攞貼紙團，當然順利儲齊啦



另外又有四款特別貼紙，搵到佢哋仲會有棉花糖送



今次細家姐話一定要玩太空山，
Hoyin 之前已經挑戰過當然冇有怕啦，
仲要特登坐第一排，
之後睇相我笑佢咪又係見唔到樣，
佢話呢次好咗啦見到 D 頭髮



夜光鬼魅巡遊好似同上年冇乜分別，
人太多，插針都插唔入，
既然睇得咁辛苦，
我話不如去探吓大街詭異酒店，
Hoyin 見家姐表哥都入梗係話要去啦~
由於人人掛住睇巡遊，
唔使排隊就入到去...
由於我都驚嚇親 Hoyin，
所以都沿途抱住佢探險，
冷不防一個男喪屍撲出嚇我哋，
Hoyin 嚇咗一跳，
我話唔使驚，係人扮，你叫聲哥哥啦~
Hoyin 即好有禮貌咁嗌︰哥哥
冇耐一個女彊屍又撲埋嚟，
Hoyin 即刻自動自覺好有禮貌咁叫︰姐姐


就係咁，Hoyin 玩完呢個歷程總共叫咗十幾聲哥哥姐姐 XD


雖然今日有帶相機入園，
不過因為節目太緊湊，
竟然冇影過相咁滯，
最後我哋玩到散場至盡興而返

追月夜 - 大埔海濱公園綵燈會

 

睇報紙知道大埔海濱公園有綵燈會，

見近近哋就去行吓啦。
一如過往，
本嚟冇約到，
不過憑住電話轉告下輕易就變咗四個家庭同樂日
去到至知綵燈會 7 點半開始，
結果睇咗冇 10 分鐘有人話要食飯趕住返屋企睇公主嫁到

一年容易又中秋

中秋佳節，
一家去咗姨丈屋企打邊爐。
飲飽食醉之後，
落去屋苑樓下睇吓搵唔搵到月光，
哈，雖然烏雲蓋天，
但係都仲見到圓圓八月十五~跟住仲見到繁星密佈，
再望真D，
原來係孔明燈。
過百盞孔明燈飄上天真係蔚為奇觀，
可惜冇帶相機

後來喺 FACEBOOK 見到都係住呢個屋邨朋友講，
原來屋邨食蕉成晚要攞住個滅火筒巡邏，
準備隨時撲熄火種...

白日小夜曲

幾個月前有朋友約影 wedding 相，
主角係佢個囡同 Hoyin，
咁有趣我當然應承啦，
於是就問咗 Hoyin 老友碩碩借花仔衫，
點知影相當日比人放飛機...
事後花仔衫攞咗返屋企冇咗件事唔記得還...
幾日前碩碩 daddy 提起至記番得
其實套花仔衫我一早想借比 Hoyin 著嚟影主題 --
獨奏小提琴，地點亦都擬定係浪茄
不過由於路程遙遠同天氣關係，
久久未能成事。


前日趁還衫前，影幾張當綵排吓。
可惜天氣太悶熱，
實在冇心機影。
影咗十零分鐘就打退堂鼓，
希望秋涼可以真正完成呢輯主題啦~

SONY A55

一直期待可以拍 D 有電影感片段，
用嚟紀錄 Hoyin 成長。
SONY 新出呢部 A55 單反可以拍高清片，
可以用盡我AF 蔡司鏡，
諗起都過癮。
好耐都未有呢種身痕 + 緊張興奮感覺，
可惜要到下月頭至有貨返...

中秋親子環保燈籠

HOYIN 升上 K2 第一樣親子功課，
說實話，我幾怕做呢類勞作
參考了台灣一個 blogger 製法，
我依樣葫蘆買了材料就合家做勞作。
HOYIN 負責圖畫及書法，
我就將 HOYIN 類似畢加索圖畫同形似鍾馗寫西洋字書法剪樣，
媽咪就負責拼貼，
就咁樣，舉世獨一無二雷氏中秋環保燈籠完成

Manchi & Faat Pre Wedding @上水大水管 【下】

 由於係卡通式構思，所以用咗誇張色彩去表達





多謝 Faat 哥生鬼演出  

希臘女神

天公造美，影相有時都要靠運氣~